രാജ്യത്ത് എൻഡിഎ ശക്തമായി : 22 സംസ്ഥാനങ്ങളിൽ ഭരണം: 17 ബിജെപി മുഖ്യമന്ത്രിമാർ

രാജ്യത്തെ രാഷ്ട്രീയ ഭൂപടത്തിൽ National Democratic Alliance (NDA) ശക്തമായ നിലപാട് തുടരുന്നു. നിലവിൽ 22 സംസ്ഥാനങ്ങളിൽ എൻഡിഎ ഭരണം നിലനിൽക്കുന്നുവെന്നതാണ് പ്രധാന ഹൈലൈറ്റ്. ഇതിൽ 17 സംസ്ഥാനങ്ങളിൽ നേരിട്ട് (BJP) മുഖ്യമന്ത്രിമാരാണ് അധികാരത്തിൽ.കേന്ദ്രത്തിൽ അധികാരം നിലനിർത്തുന്നതിനൊപ്പം സംസ്ഥാനങ്ങളിലേക്കും വ്യാപിച്ച സ്വാധീനം ബിജെപിക്ക് വലിയ രാഷ്ട്രീയ ആധിപത്യം സമ്മാനിച്ചിരിക്കുകയാണ്. വടക്കേ ഇന്ത്യ മുതൽ പടിഞ്ഞാറൻ, മധ്യഭാരതം വരെ ശക്തമായ സാന്നിധ്യം ഉറപ്പിച്ച ബിജെപി, ദക്ഷിണേന്ത്യയിലും സ്വാധീനം വർധിപ്പിക്കാൻ ശ്രമങ്ങൾ തുടരുന്നു.പ്രധാനമായും വികസന രാഷ്ട്രീയം, ദേശീയത, ക്ഷേമപദ്ധതികൾ എന്നിവയെ ആധാരമാക്കിയ പ്രചാരണമാണ് എൻഡിഎയുടെ വളർച്ചയ്ക്ക് അടിത്തറയെന്നാണ് രാഷ്ട്രീയ നിരീക്ഷകർ വിലയിരുത്തുന്നത്.