അമ്മ മലയാളം ചാരിറ്റബിൾ ട്രസ്റ്റിൻ്റെ പുരസ്കാരങ്ങൾ: മുൻ ഗോവ ഗവർണർ അഡ്വ. പി.എസ് ശ്രീധരൻ പിള്ളക്ക് സമ്മാനിക്കും, മാധ്യമ പുരസ്കാരങ്ങൾ ജന്മഭൂമി സീനിയർ ന്യൂസ് എഡിറ്റർ കെ ഡി ഹരികുമാറിനും, റിപ്പോർട്ടർ ചാനൽ എക്സിക്യുട്ടീവ് എഡിറ്റർ സ്മൃതി പരുത്തിക്കാടിനും സമ്മാനിക്കും
അമ്മ മലയാളം ചാരിറ്റബിൾ ട്രസ്റ്റിൻ്റെ പുരസ്കാരങ്ങൾ പ്രഖ്യാപിച്ചു
മലയാള ഭാഷയുടെ ഉയർച്ചയും, പ്രചാരവും മുൻനിർത്തി ഭാഷാ സ്നേഹികളുടെ നേതൃത്വത്തിൽ പ്രവർത്തിക്കുന്ന അമ്മമലയാളം ചാരിറ്റബിൾ ട്രസ്റ്റിൻ്റെ ഈ വർഷത്തെ വിവിധ പുരസ്കാരങ്ങൾ പ്രഖ്യാപിച്ചു
മലയാളത്തിൻ്റെ അക്ഷരസൂര്യൻ പുരസ്കാരം മുൻ ഗോവ ഗവർണർ അഡ്വ. പി.എസ് ശ്രീധരൻ പിള്ളക്ക് സമ്മാനിക്കും . 25,001 രൂപയും, ശില്പവും, പ്രശസ്തിപത്രവും, പൊന്നാടയും അടങ്ങുന്നതാണ് ‘അക്ഷരസൂര്യൻ പുരസ്കാരം.
ഈ വർഷത്തെ മാധ്യമ പുരസ്കാരം ജന്മഭൂമി സീനിയർ ന്യൂസ് എഡിറ്റർ കെ ഡി ഹരികുമാറിനും,
ദൃശ്യമാധ്യമ പുരസ്കാരം റിപ്പോർട്ടർ ചാനൽ എക്സിക്യുട്ടീവ് എഡിറ്റർ സ്മൃതി പരുത്തിക്കാടിനും സമ്മാനിക്കും.
10,001 രൂപയും ശില്പവും, പ്രശസ്തിപത്രവും, പൊന്നാടയും അടങ്ങുന്നതാണ് ഈ പുരസ്കാരങ്ങൾ.
മേയ് 10 ന് കോട്ടയത്ത് നടക്കുന്ന അമ്മ മലയാളത്തിൻ്റെ ആറാം വാർഷികാഘോഷത്തിൽ കേന്ദ്ര സഹ മന്ത്രി അഡ്വ. ജോർജ്ജ് കുര്യൻ പുരസ്കാരങ്ങൾ സമ്മാനിക്കും.
റിട്ട. ഐഎഎസ് ഓഫീസർ എസ്.അയ്യപ്പൻ നായർ, റിട്ട. ഐജി എസ്. ഗോപിനാഥ്, നിരൂപകനും ജീവചരിത്രകാരനുമയ എ. ബി. രഘുനാഥൻ നായർ, വിൻ വേൾഡ് ഫൗണ്ടേഷൻ ചെയർമാൻ അഡ്വ. എസ്. ജയസൂര്യൻ, അമ്മമലയാളം ചാരിറ്റ്ബിൾ ട്രസ് ചെയർമാനും, മാനേജിങ് ട്രസ്റ്റിയുമായ മധു മണിമല എന്നിവരടങ്ങുന്ന വിധിനിർണ്ണയ സമിതിയാണ് പുരസ്കാര ജേതാക്കളെ തിരഞ്ഞെടുത്തത്.
