പാര്ലമെന്റിന് ഖലിസ്താൻ നാഷണല് ആര്മിയുടെ ബോംബ് ഭീഷണി
പാര്ലമെന്റില് ഖലിസ്താൻ നാഷണല് ആര്മിയുടെ ബോംബ് ഭീഷണി, അഫ്സല് ഗുരുവിന്റെ ഓർമയ്ക്ക് വേണ്ടി ഡല്ഹി ഖലിസ്താൻ ആകുമെന്നും സന്ദേശത്തില് പറയുന്നു. ഇന്ന് രാവിലെ എട്ട് മണിയോടെയാണ് ഡല്ഹി പൊലീസിന് ഇമെയില് വഴി ഭീഷണി സന്ദേശം ലഭിക്കുന്നത്.പാർലമെന്റിന് പുറമെ ഡല്ഹിയിലെ 10 സ്കൂളുകളിലും ബോംബ് ഭീഷണി ഉണ്ട്. ഇതിന്റെ അടിസ്ഥാനത്തില് ഡല്ഹിയില് സുരക്ഷ ശക്തമാക്കിയിട്ടുണ്ട്. രാവിലെ 8:30 നും 9:00 നും ഇടയിലാണ് ഭീഷണി ഇമെയിലുകള് ലഭിച്ചതെന്ന് പോലീസ് പറഞ്ഞു. മുന്നറിയിപ്പിനെ തുടർന്ന് ഡല്ഹി പോലീസ്, അഗ്നിശമന സേന, ബോംബ് നിർവീര്യമാക്കല് സ്ക്വാഡുകള് എന്നിവ ഉടൻ തന്നെ ബാധിത സ്കൂളുകളിലേക്ക് പുറപ്പെട്ടു. സൗത്ത് ഡല്ഹിയില് മൂന്ന് സ്കൂളുകള്ക്ക് ബോംബ് ഭീഷണി ലഭിച്ചു. ലോധി റോഡിലെ എയർഫോഴ്സ് സ്കൂള്, കെആർ മംഗലം സ്കൂള്, സാദിഖ് നഗറിലെ ദി ഇന്ത്യൻ സ്കൂള് എന്നിവ ഇതില് ഉള്പ്പെടും. കഴിഞ്ഞ മാസങ്ങളിലും സ്കൂളുകള്ക്ക് നേരെ ബോംബ് ഭീഷണി ഉയർത്തി വ്യാജ സന്ദേശങ്ങള് എത്തിയിരുന്നു.
