സെക്രട്ടേറിയറ്റിന് സമീപത്തെ സ്പാ അടച്ചുപൂട്ടി
TVM-യുവതിയോട് മോശമായി പെരുമാറിയെന്ന പരാതിക്ക് പിന്നാലെ സെക്രട്ടേറിയറ്റിന് സമീപത്തെ സ്പാ അടച്ചുപൂട്ടികോർപറേഷൻ ഉദ്യോഗസ്ഥർ നടത്തിയ പരിശോധനയെ തുടർന്ന് സെക്രട്ടറിയേറ്റിന് മുന്നിലെ സ്പർശൻ വെല്നസ് സ്പായാണ് അടച്ചുപൂട്ടിയത്. നഗരസഭ ആരോഗ്യവിഭാഗമാണ് സ്പാ പൂട്ടിയത്. പൊലീസും സ്ഥലത്ത് എത്തിയിരുന്നു.ഇന്നലെ അഭിമുഖത്തിന് എത്തിയ യുവതിയോട് അപമര്യാദയായി പെരുമാറിയെന്ന് മേയർ വി വി രാജേഷ് വാർത്താസമ്മേളനത്തില് വെളിപ്പെടുത്തിയിരുന്നു. ഇതിന് പിന്നാലെയാണ് സ്പാ കേന്ദ്രത്തില് പരിശോധന നടത്തിയത്. അഭിമുഖത്തിനെത്തിയപ്പോള് അപമര്യാദയായി പെരുമാറിയെന്ന് 23 കാരിയായ പെണ്കുട്ടി മേയറെ വിളിച്ച് പരാതി നല്കുകയായിരുന്നു. തുടർന്ന് മേയർ പൊലീസിനെ വിവരം അറിയിക്കുകയും ചെയ്തു.ഈ സ്പായുടെ ഒരു ഭാഗം പ്രവർത്തിച്ചിരുന്നത് ലൈസൻസ് ഇല്ലാതെയാണെന്ന് കണ്ടെത്തി. പ്രീമിയം വിഭാഗമാണ് ലൈസൻസ് ഇല്ലാതെ പ്രവർത്തിച്ചിരുന്നത്, തുടർന്നാണ് നടപടി.
